Tech Garden және Presight инновациялық технологиялар саласындағы ынтымақтастықтың болашағын талқылады

Tech Garden басшылығының Алексей Буровпен кездесуі инновациялар үшін жаңа көкжиектер ашады

Tech Garden брендімен жұмыс істейтін «Инновациялық технологиялар паркі» дербес кластерлік қоры Presight компаниясының ТМД-дағы бизнесті дамыту жөніндегі директоры Алексей Буровпен кездесті. Presight-акциялары Абу-Даби қор биржасында (ADX) тізімделген және G42 компаниясының көпшілік акционері болып табылатын ашық компания. Ол жасанды интеллект, деректерді талдау және әртүрлі салаларға арналған шешімдерді қоса алғанда, озық технологияларды әзірлеуге және енгізуге маманданған.

Кездесу Tech Garden мен Presight арасындағы ынтымақтастық перспективаларын талқылау үшін маңызды сәт болды. Әлеуетті ынтымақтастық нұсқаларын талқылау барысында технологиялық жетістіктерге ықпал ететін инновациялық шешімдерді құру мақсатында өзара қарым-қатынастарды тереңдетуге дайындық айтылды.

Алексей Буров Tech Garden-мен ынтымақтастықтың маңыздылығын атап өтті және бұл серіктестік аймақтағы инновациялар үшін жаңа көкжиектерді аша отырып, білім мен озық әзірлемелермен алмасуға ықпал ететініне сенім білдірді. Tech Garden Жобалық кеңсесінің бас менеджері Сәбит Рашев пен Жер қойнауын пайдаланушылармен жұмыс жөніндегі кеңсенің директоры Ғалымжан Нұрманов Presight-пен бірлескен күш-жігерге деген ұмтылысын және технологиялар мен инновациялардың дамуына үлес қосуға дайын екендіктерін атап өтті, бұл оларға инновациялық технологиялар саласында жаңа биіктерге жетуге мүмкіндік береді.